豬潤湯麵 - 維記咖啡粉麵

今天和朋友一起去深水埗看攝影器材, 買了一個閃光燈, 後來有一點肚餓, 我就建議去食豬潤湯麵, 我朋友初初有點抗拒, 怕要食豬潤, 我話你可以只要湯不要豬潤, 我朋友就戰戰兢兢地跟我一起去食豬潤湯麵...

其實認識這食店很久, 但一直沒有將它寫下來, 今次一定要將它寫下來, 分享給大家, 不過, 相信去過深水埗的朋友應該都會認識這食店...

維記咖啡粉麵
地址 : 深水埗福榮街62號及66號地下及北河街165-167號地下D號
電話 : 2387 6515



維記是有兩間的, 分舊和新的, 我每次都是去舊店, 感覺有多一點風味... ^_^




我們兩個都叫了蛋牛肉麵, 在這裡食什麼都會是豬潤湯, 不用刻意要豬潤才有豬潤湯的... :P

還記得第二次去這裡就發生一件小趣事, 事情是這樣, 第一次去是朋友帶亦是他幫我叫, 第二次去其實是我自己的第一次去, 想叫回上次的豬潤湯牛肉麵, 但看餐牌又沒有見到, 自己又怕問, 就叫左個豬潤牛肉麵, 真的好多豬潤, 食到怕... >_< 後來朋友笑我說他們只買豬潤湯... :P

他們提供的豬潤湯真的好濃, 好多豬潤碎, 味道好甜, 好好味道... 我個人認為豬潤湯配牛肉是最好味, 因為牛肉可以將豬潤碎吸住... \(^_^)/



每次我都會將豬潤湯飲晒, 有相為証... :)

不過, 如果有朋友擔心膽固醇過高的話, 真的要小心注意一下... 唔知有沒有清湯? :P

有誠意的芝士撈丁...

2009-02-21

連續兩個星期都去大埔嘉道理農場影相, 雖然想影櫻花, 可惜因為每次到達的時間都太遲, 所以都沒有去影櫻花, 反而影了其他相. 大家可以去我的網站欣賞. http://www.billytang.com

影完相, 時間還早, 大家忽然想步行去林村食豆腐花, 起行時, 有一隻小黑狗向我們討食, 識得擺尾, 真係好似"零零狗Bolt"...

可惜我們身上一點食物都沒有, 但牠一直跟我們走了很長時間, 見牠這麼努力, 我們決定找一間士多, 買一點食物給牠.




就是這隻小黑狗, 後來我們終於找了一間士多, 買了魚肉腸和午餐肉給牠食, 牠真的很肚餓...





餵飽牠後, 我們就搭巴士去大埔...

大家本身都不熟識大埔, 找呀找呀, 終於找了一間小食店 - 源汁源味.


地址: 大埔昌運中心地下A10鋪
電話: 90381163/92220108
營業時間: 6:00pm-4:00am
開業: 9個月左右, 買撈丁大約三個月...

這店的招牌是"豬頸肉芝士撈丁"(HK$35)... 我兩個朋友都點了"豬頸肉芝士撈丁"+"勁多芝士", 我就問老闆娘有沒有其他好食, 她推介"肥牛+腸仔芝士撈丁+勁多芝士"(HK$35), 再加HK$5就可以有一杯飲品, 冷熱同價, 我就再問老板娘凍熱飲大少差多少, 熱飲:8oz, 凍飲:16oz, 差一倍, 打趣問她:" 如果要凍飲走冰, 得唔得?", 她說可以, 這樣我就可以比熱飲多8oz, 只是不熱, 有一點暖... 哈哈...



"肥牛+腸仔芝士撈丁+勁多芝士"到啦... 真的好多芝士, 好似湯一樣... 我朋友是芝士痴, 他說這是車打芝士...


根據老闆娘所講, 芝士是從外國入口, 亦坦白承認他們不是第一間做"芝士撈丁", 第一間是尖沙咀"榮記", 她說榮記的芝士食完好膩, 佢地的口味就左大埔人, 會淡D... :)

味道真的不錯, 芝士好香, 丁麵又多, 又爽, 肥牛就不過不失...

值得再食... ^_^

我影相時, 老闆娘想吩咐廚房企好, 我話唔駛la... :P

背後七彩的不知道是什麼? :P

霸王山莊 - 灣仔分店

今天晚上帶一個客人shopping, 由銅鑼灣行到灣仔, 想找一個環境好和食物好的地方, 因此再一次光臨"霸王山莊 - 灣仔分店"...

地址 : 灣仔軒尼詩道303號1樓
電話 : 2877 6610
菜式 : 京川滬

http://www.kings-lodge.com/chi/index.html
http://www.openrice.com/restaurant/sr2.htm?shopid=18263



認識霸王山莊是從尖沙咀分店開始, 感覺食物還不錯, 價算尚算適中(係尖沙咀來講)...

後來在灣仔看見他們開左一間分店, 亦已經試過幾次, 整體感覺比尖沙咀好, 可能係環境坐得比較舒服, 還有一位很好傾的經理Horace...

說回今次食的東西... 因為我們只有兩個人, 不想太花時間在選食物上面, 所以我們簡單地選擇了一個兩人的套餐"砂窩魚翅撈飯餐"...

先看一下菜單有什麼...
1. 花彫醉轉彎
2. 砂窩魚翅撈飯(炒飯)
3. 乾燒明蝦球
4. 京蔥燒海參
5. 雲腿扒雙蔬
6. 霸王小籠包
7. 銀耳燉燕窩(椰汁)
8. 杞子桂花糕


先來的是"花彫醉轉彎", 基本應有的味道, 不算太突出, 合格...


第二度菜是"乾燒明蝦球", 味道不錯, 有一點點辣, 連我不喜歡食蝦的人都覺得不錯... ^__^


緊接著就是主菜"砂窩魚翅撈飯(炒飯)", 魚翅和炒飯是分開上的, 我問服務員, 應該是分開食, 還是真的撈在一起食好味些, 她說:"不如你先食一半, 再撈在一起比較一下...", 建議不錯, 魚翅方面味道都不錯, 炒飯有蛋和瑤柱, 味道好香, 各自食左一半後, 再撈餘下的一半, 感覺不太好, 因為魚翅味太濃又濕, 將原本味道不錯的炒飯蓋過左, 還有將乾身的炒飯弄濕, 我個人覺得炒飯要乾身才好食... 結論都係魚翅和炒飯分開食會好些... 哈哈...



好快"霸王小籠包"已經放左係檯上, 小籠包一定要趁熱才好味道, 凍左就唔好食, 但因為裡面有熱湯, 所以食時要好小心, 幸好這裡的小籠包端出來時, 溫度頗為適中易入口, 不會燙傷口腔, 我建議將整個小籠包一啖食完, 才可以試真小籠包的味道來... ^__^ 皮薄多湯, 味道不錯!


再來是"雲腿扒雙蔬", 菜本身都幾新鮮, 都不錯...

本人甚少食海參, 所以對"京蔥燒海參"沒有太多意見...


最後, 來了兩個極好味的甜品, 上次來時, 發現他們造的甜品一般水準都不錯, 第一個送來的是"杞子桂花糕", 如果大家食過桂花, 都會知道桂花好香, 而這個甜品, 有好香的桂花味, 而只有帶一點點合到好處的甜味, "正"... 下次一定要再試下... ^__^

另一個是, "銀耳燉燕窩(椰汁) "有好濃的椰香, 略嫌甜味多左一點, 不過我喜歡食甜嘢... :P

總結這裡, 環境食物都不錯, 如果找經理Horace重可能有折扣... :P

附加之前, 有一次在這裡和一大班朋友食飯時, 有一個冷盤好好食, 就是"老四川燈影牛肉", 他們用人手將牛肉切得好薄好薄, 薄到透光, 味道甜甜的, 聽經理講外面現在已經好難食得到, 大家值得一試...

經理曾經推介過食"片皮鴨", 但一次都未食過... 希望下次有機會試下... ^__^

食盡"九記牛腩"... ^__^

每次大家講起牛腩, 一定有九記的份兒, 如果大家經常在中上環找食, 一定會食過的, 點樣好食, 不用我多講...

九記牛腩

地址 : 中環歌賦街21號地下

電話 : 28150123/28505967

營業時間:

星期一至六12:30pm-7:30pm, 然後有一個鐘晚飯時間, 8:30pm-11:30pm

星 期 日 及 公 眾 假 期 休 息

http://www.openrice.com/restaurant/sr2.htm?shopid=1618

http://www.foodeasy.com/hk/rest_detail.php?id_rest=2185

在上環出名食牛腩除左九記, 還有兩間...

1) 生記粥品專家

地址 : 上環畢街7-9號地下

電話 : 2541 1099

http://www.openrice.com/restaurant/sr2.htm?shopid=3023

2) 漢記潮州粉麵茶餐廳
地址 : 上環禧利街6號地下
電話 : 2543 9282
http://www.openrice.com/restaurant/sr2.htm?shopid=18244

以上兩間都有爽腩食, 但我只食過生記, 要2:15pm才開始有得食, 食過後還是覺得九記好食些...

說回九記, 平時見好多評論說他們的態度好差, 又要排好耐隊才可以坐下叫東西食... 其實大家去的時候, 通常是午飯時間, 就是最多人的時間, 本身他們又出名, 人多就肯定, 如果食物好食, 等一等又何妨? 還有, 這裡的服務員是用他們的腦(記性)去記住所有的order, 想像一下他們又怎有心情同大家傾閒計... 其實他們本身都幾好傾ga... ^__^

九記是一間好有性格的一間食肆, 7:30pm-8:30pm通常是大家的晚飯時間, 而偏偏他們可以不做生意, 好讓辛勞一天的員工安心食一頓晚餐, 記住不要在這段時去, 免得失望而回...

好點樣先可以食盡九記?

首選是"爽腩":

因為煮爽腩需要多好多時間, 才可以煮得腍, 所以不是任何時間都有得食, 爽腩的出爐時間是3:15pm和8:30pm, 賣完就無...

爽腩真係好爽, 不過好多油, 不可以日日都食, 雖然好細碗, 但如果另加一個伊麵, 我一個人都食唔晒... >__<

次選"咖哩牛筋腩伊":
這裡的咖哩汁只有一點點的辣, 但好香, 還有因為不是用上湯, 是用咖哩汁, 所以份量都唔少, 不要看輕... 如果要食咖哩, 一定要跟牛筋腩; 如果要食牛筋腩, 一定要跟咖哩. 原因不明, 可以看出他們都食物的配合要求係一定的堅持... ^__^

叁選"半肥瘦腩伊":
好多網友講過牛腩好韌又黐牙, 其實其他的牛腩都差不多, 如果不怕肥, 可以叫半肥瘦, 味道口感會比單食牛腩好得多... ^__^

最後要介紹"油菜":
只有一種菜提供, 就是生菜, 而且用上湯伴的, 我建議下單是要"全走", 就是走油, 走蠔油, 走豉油, 只剩上湯已經好夠味道, 食完記住飲多兩啖湯, 因為另上一碗湯都要HK$6... :P

後記:
當我拿手機影相時, 突然有一位哥仔問我點解影相, 當時心諗影下相做記錄都唔得, 他再說:"你食左咁多次而家先影相?", 我話:"我而家先開始學人寫網站", 原來食到他都認得我... 哈哈... :P

好媽媽整包, 一定會烤烤!!!

之前朋友介紹下食左一間漢堡包店的香芒羊肉堡 (http://billyfood.blogspot.com/2007/09/burger-joint.html), 但有些失望, 所以決意再去一間常去又價格比高的小店再品嚐漢堡包的真味道... ^__^

Lemon Exchange
地址 : 中環閣麟街45號5A舖
電話 : 6303 8796
http://www.openrice.com/big5/sr2.htm?shopid=18202

其實認識這間小店已經有好一段日子, 好耐之前, 曾經有一次和友人一起在中環為左找食而煩惱, 行下行下, 給我們發現一張"易拉架", 上面寫住"好媽媽整包, 一定會烤烤!!!", 就係這樣, 我們兩人抱著一貫冒險精神, 就入去試一下, 入去時見到一位非常健談的老板marco, 他推介"原塊雞扒烤包", 所有食物都是即叫即整, 塊雞扒還要比個包大好多, 內裡的配菜好足, 味道亦不錯, 價錢亦不貴, 因此推介給過好多朋友去食. ^__^

究竟什麼是"好媽媽整包, 一定會烤烤!!!"呢? 八卦的我當然會問過marco, 原來所有扒都是他的好媽媽每天早上準備, 所以好新鮮, 好味道... ^__^

係時候講回今次去食的經過, 原來marco今天是放假的, 這次由好媽媽加一位男仔(忘記左個名, 對不起)看鋪, 入到去打完招呼後, 第一時間問"今天什麼最新鮮?", 今天都是雞扒最新鮮, 當然亳不猶豫地叫一個中型的"原塊雞扒烤包", 其實中型已經好大個, 再加薯條和一杯"番石榴檸檬特飲"... 因為只有我自己一個人食, 所以我叫她們不要給我太多薯條...

因為是即叫即造, 所以要耐心等候一會... 就在這時候拿出手機, 先周圍拍下照...

這店其實只有兩個位置在裡面, 外面再加一張小檯子供客人使用...

平日是收晚上9點, 星期五和六會收早上6點半...


Menu!


這杯就是"番石榴檸檬特飲", 好清甜, 番石榴+檸檬各自各精采, 沒有給對方搶去味道, 非常好飲.

再來, 就是剛炸起的薯條, 我覺得這裡的薯條有薯皮好食好多... 細問之下, 原來薯條是來自美國新鮮進口, 還有就是來的時候已經切好... 雖然已經跟她們說不要太多, 最後還是有很多...

裡面兩個位置, 其中一個是我, 另一個是一位上左年紀的外國人, 因為太多薯條, 所以我請他一起分享... ^__^
主菜到!!! "原塊雞扒烤包"...

麵包方面好似係用嘉頓麵包, 我另加左一塊芝士, 你睇下, 材料充足有生菜蕃茄青瓜, 樣樣新鮮, 雞扒好大塊, 又厚, 又多汁, 加上我特別要求不要雞皮...

味道方面, 不用多說都知道好味道啦! ^__^
來一張全家福...
拍照期間, 好媽媽還行出來指點我應該怎樣拍才會漂亮, 還建議打燈, 可惜環境所限和攝影師(我)不材, 所以拍得不好, 對不起... >__<

跟好媽媽傾左好耐計, 發現一個小秘密, 原來是由一位加拿大人教她們整漢堡包的, 亦是背後的大老板... ^__^ 這是一個有誠意的漢堡包店, 值得推介!!!

v(^__^)V